سائنسدانوں نے ذیابطس(شوگر)سے مکمل نجات دلانے والی دوائی تیار کرلی

سائنسدانوں نے ذیابطس(شوگر)سے مکمل نجات دلانے والی دوائی تیار کرلی

بلوچستان  اَپڈیٹس خصوصی رپورٹ ، تفصیلات کے مطابق امریکہ میں سائنسدانوں نے حیرت انگیز طورپر شوگر کے مرض سے ہمیشہ کیلئے نجات دلانے والی دوائی تیار کرلی۔رپورٹ کے مطابق ماؤنٹ سینائی ہسپتال اور سٹی آف ہوپ ہسپتال کے ماہر سانسدانوں نے مل کر ایک ایسی دوائی تیار کرلی ہے جو انسولین بنانے والی خلیات کو دوبارہ زندہ کرکے ذیابیطس کے خلاف متحرک کرسکتے ہیں جس سے ذیابیطس سے مکمل نجات پانا ممکن ہے۔رپورٹ میں کہا گیا ہے کہ اس منصوبے پر ماہرین 2015 سے کام کررہے ہیں جنہوں نے گزشتہ سال اس دوائی کی آزمائش چوہوں پر شروع کی اور کامیابی حاصل کرلی۔محققین کا اس بارے میں کہنا ہے کہ ایسا پہلی بار ہوا ہے کہ اس جیسی دوائی تیارکرنے میں کامیابی حاصل ہوئی ہے۔انہوں نے کہا ہے کہ مزکورہ نتائج سے توقع پیدا ہوئی ہے کہ اس طریقہ علاج استعمال کرتے ہوئے ذیابیطس کے کروڑوں مریضوں کا مکمل علاج کیا جاسکتا ہے ۔اس وقت پوری دنیا کی بالغ آبادی کا تقریبا 10% فیصد کے قریب یا اس سے زیادہ افراد ذیابیطس کے مرض میں مبتلا ہیں۔
محققین کی جانب سے اس نئی دوا کے کلینیکل ٹرائل کا پہلا مرحلہ مکمل ہوچکا ہے جو چوہوں پر کیا گیا ہے۔یاد رہے کہ بیشتر بیماریوں کیلئے سائنسدان اور محققین دوائی یا ویکسینز کو پہلے مرحلے میں چوہوں پر استعمال کرتے ہیں اور کامیابی کی صورت میں بعد ازاں اسے انسانوں پر تجربہ کیا جاتا ہے اور مارکیٹ میں لایا جاتا ہے۔تاہم اس دوائی کو ابھی انسانوں پر آزمایا جائیگا جس کی مکمل کامیابی کی صورت میں یہ انسانیت کیلئے ایک انقلابی اقدام ہوگی۔اس تحقیق کی تمام تر تفصیلات امریکی جریدہ جرنل سائنس ٹرانزیشنل میڈیسن میں شایع ہوئی ہیں ۔