حکومت اور پی ٹی آئی مذاکرات: سپیکر قومی اسمبلی نے کمیٹیوں کا اجلاس 28 جنوری کو طلب کر لیا

حکومت اور پاکستان تحریک انصاف کے درمیان مذاکرات کے لیے سپیکر قومی اسمبلی سردار ایاز صادق نے کمیٹیوں کا اجلاس 28 جنوری کو طلب کر لیا ہے۔ دوسری جانب پی ٹی آئی کے چیئرمین بیرسٹر گوہر نے کہا ہے کہ جوڈیشل کمیشن کا اعلان کریں تو مذاکرات پر دوبارہ غور کر سکتے ہیں۔

قومی اسمبلی سیکریٹریٹ کے مطابق یہ مذاکراتی کمیٹیوں کا چوتھا اجلاس ہوگا۔

جمعے کو قومی اسمبلی سیکریٹریٹ کے اعلامیے میں کہا گیا ہے کہ اجلاس دن 11:45 بجے پارلیمنٹ ہاؤس کے کمیٹی روم پانچ میں ہوگا۔