سندھ پولیس کی عید کے موقع پر اپنے شہداء کو یاد رکھنے کی روایت برقرار

کراچی: سندھ پولیس نے عید کے موقع پر اپنے شہداء کو یاد رکھنے کی روایت کو برقرار رکھا ہے۔

تفصیلات کے مطابق آئی جی سندھ غلام نبی میمن کے حکم پر ایس ایس پی انوسٹی گیشن ایسٹ طارق مستوئی شہید کے گھرگئے، سندھ پولیس کی جانب سے شہید اقبال کے اہل خانہ کو ایک کروڑ گرانٹ کا چیک بھی دے دیا گیا۔

 گلستان جوہر میں اے ایس آئی اقبال کے گھر ایس ایس پی طارق مستوئی نے انویسٹیگیشن شرقی نے شہید کے ورثاء سے ملاقات کی، ایس ایس پی انوسٹی گیشن شرقی نے شہید اقبال کے بیٹے کو پھولوں کا گلدستہ اور عیدی بھی دی۔

اس موقعے پر ایس ایس پی طارق الاہی مستوئی نے کہا کہ آئی جی سندھ کی طرف سے اہلخانہ کو ایک کروڑ روپے روپے کا چیک دیا ہے، اپنے شہداء کے ساتھ ہیں، انکی قربانیاں کبھی فراموش نہیں کرسکتے۔

ایس ایس پی طارق مستوئی نے مزید بتایا کہ شہید اے ایس آئی اقبال کو کچھ مہینے قبل لائینز ایریا میں شہید  ہوے تھے۔

Comments