گِدار اینیمل فارم ءِ ￵ سرا راہ رواجی چمشانکے ۔۔۔!! حمید بلوچ

گِدار اینیمل فارم ءِ ￵ سرا راہ رواجی چمشانکے ۔۔۔!!

حمید بلوچ

جورج آرویل ءِ ناویل animal farm۔ 1945 ءَ شنگ ءُ تالان بوتگ۔

چوناہا ءَ اے یک چیدگی ناولے کہ جورج ءَ ساہدار ءُ ￶ دلوت زرتگ انت ءُ کردار جوڈ کُتگ انت۔ ءُ ￶ اے چیدگی گدار Russian revolution ءِ پُشدر ءَ نبشتہ کنگ بوتگ بلے اگاں اشی گوں ھروھد ءِ جاوراں گوں ھمگرنچ بکنے وتی بزانت ءَ گیشتر ءُ ￶شرتِردنت ۔
کسہ بندات بیت کہ یک جناورانی گُشت کنے باگے کہ اشی سروکی جونز نامیں مردے کنگ ءَ بیت کہ وت یک شرابی یے بیت۔ وھد ءِ سرا اے ساہ دارانی جوانیں وڈے ءَ چارگ ءُ دلگوش ءَ کُت نہ کنت۔ اشان ءَ ￴ورگ وھد ءِ سرا نہ دنت، کاہ ءُ بوچ اش اوں وھد ءِ سرا نہ دنت۔
گڈا یک روچے جونز ھمے ساہ دارانی باگ ءِ کماش کہ وپس ایت گڈا ھمے باگ ءِ دُرساں چہ مستریں ساہ دار بزاں جناور سُوورے ات کہ وتی سرجمیں برادری ءِ یک دیوانے لوٹائینیت ۔کہ اے مستر ءُ ￶ پیرتر ین سُوور اِنت کہ نامے میجر بیت۔
وھدے کُلیں جناور ھوار بنت میجر گُشیت کہ من یک وابے دیستگ کہ ما آجو بوتگیں، مارا نوں آجوئی لوٹیت ۔ ما وت وتی وڈا زند گوازینت کن ایں کہ اے انسان مئے سرا سک باز زوراکی ءُ ￶ بادشائی کنگ ءَ انت ۔ شِیر ما دئیں کِشت ءُ کِشاری ما کنیں ۔ کار ما کنیں بلے سرجمیں برورداں ھمے انسان وَر انت ءُ انگت چابُکے گونے مئے سرا زوراک انت۔ بیا ات ھوار بئیں وت وتی وڈا زند گوازین ایں یک اجوئیں زندے ءِ واھند بئیں۔ انسان مئے دشمن انت ھر ھما کہ دو پادگ انت آ مئے دشمن انت ۔ بیا ات وتی اجوئی ءَ ￴ گِر ایں۔
ما شما چہ انسانی فطرت ءَ در کائیں وشیں جاھاں نہ وپسیں بوپ ءُ پلنگانی سرا نہ وپس ایں ۔ شراب نہ وریں۔ وشیں وراک ایوک ءَ نہ وریں اگاں وریں گڈا کلیں ھوری ءَ وریں۔کَسّ کَسّ ءَ نہ کُشیت کَّس کَسّی ساہ ءَ ￴نہ گیِپت ۔ کلیں پروگرام ٹہینگ بنت ۔لہتیں روچ گوزیت ھمے پیریں کماشیں سُوور مِریت ۔
میجر ءِ مَرگ ءَ پد اشی جہل ءَ دگہ دو سُوور بنت کہ یکے ءِ نام سنو بال بیت ءُ دومی ءِ نیپولین۔
گڈا ھمے دوئیں اے جنز ءِ سروک جوڈ بنت ءُ وتی جُنز ءَ analmalism ءِ نام ءَ دینت۔ گڈا کمو وھد ءِ تہا سرجمیں جناور سک شُدیک ءُ بد ھال بنت۔ سرجمیں جناور ھوار بنت ءُ ھمے فارم ءَ بزاں باگ ءَ قبضہ کن انت۔ جونز ءَ جَن انت ءُ تاچین انت اشی وت واجہ بنت ۔
گڈا ھمے دوئیں سُوور سنو بال ءُ نپولیئن سرجمین جناوراں ھور کن انت ءُ اشاں گش انت کہ تو پلان کارا بکن ۔ تو پلان کارا۔ سرجمیں کارا بہر ءُ بانگ کن انت کہ اشی تہا کُچک ۔ شادو۔ اَپس۔ ھَر۔ گوک۔ سرجمیں جناور ھوار انت۔
اپس گُشیت من کلیں جناوراں چہ گیشتر کار کناں ءُ جنز ءَ الّم سوبمند کناں۔ ھمک سہب سرجمیں جناورانی دیوانے بیت ءُ ھر یکے ءَ کار دئیگ بیت کہ شُمے کار ایش ءُ ￶ایش اَنت۔ مستریں (اوگام)نعرہ ھمیش بیت کہ دو پادگ مئے دشمن اَنت ،چار پادگ مئے دوست انت، مئے براتاں۔ مارا ھچ وڈیں آسراتی نہ لوٹیت وشیں وابجاہ ءَ ￴ بگر داں وشیں ورگ، پرچہ کہ اے سرجم ءَ انسانی فطرت ءِ کار اَنت چہ اشاں مارا وتارا رکھینگی انت۔
سنو بال کمیٹی یے ءِ ￵ جوڈ کنگ ءَ ￴بندات کنت کہ مارا کجام سیزن ءَ کجام کِشت ءُ کِشاری کنئگی اِنت ۔
گڈا دومی سوور نپولیئن گُشیت یار تو چے کنگ لوٹے چونیں کمیٹی شمیٹی تو ٹائینگ لوٹے مارا وتی مستقبل مھکم کنگی انت مارا یک جوانیں ءُ شریں پدریچے درکار اِنت ۔ تو چوش بکن اے جناورانی تہا کہ کُچک اَست انت اشاں منا بدے اشانی من وت سیاسی سماجی تربیت ءَ کناں داں آؤکیں وھدا مئے کوپگ بہ بنت۔
گڈا ھمے جانورانی باگ ءِ کماش جونز پدا کیت ءُ ھمے باگ ءِ سرا اُرش کنت داں پدااے باگ ءَ ￴ وتی کنٹرول ءَ بکنت۔۔۔ بلے اِشانی تہا سنوبال سوور گوں وتی گروپ ءَ جونز ءِ دیما اوشتیت ءُ جوانیں وڈے ءَ مقابلہ کنت ،بلے نپولیئن گوں لہتیں ھمراہاں تچیت ءُ روت چیر بیت کہ جنگ ءَ فائدہ نیست مارا جمہوری رھبنداں جوانیں وڈے ءَ وتی جنز دیما برگی انت۔
سرجمیں جناور چار اَنت سنوبال وتی ساہ ءِ پرواہ نہ کت گوں جوان مردی ءَ مئے دشمن انسانانی دیما اوشتات، جنگ کُت ءُ ￶اےمارا یلہ نہ دنت ءُ ￶ ہمراہ اِنت،نپولئین تتک ءُ ￶چیر بوت ۔ گڈا سرجمیں جناور سنوبال ءَ وتی سروک نامین اَنت۔
گڈا نوں اندگہ جناور چار اَنت کہ سنوبال ءُ نپولین ءِ تہا اختلاف پیداک بوہان انت ءُ ھرگپ ءَ ھر پیسلہ ءَ یکے دومی ءَ گوں اختلاف پیداک بوہان انت۔ سنوبال گُشیت کہ مارا یک ونڈ میلے اڈ کنگی انت کہ اشی سک باز پائدگ انت نیپولین گشیت کہ نہ اشی ھچ زلورت نہ انت یکے دومی ھمے ھبر ءِ سرا سک زھر بنت اَڈ انت۔

گڈا سرجمیں جناور سک باز ایکٹیو بنت کہ اے فارم مئے وتیگ انت ما اشی واجہ ءُ ￶واھندیں، پیسرا وا مئے نبوتگ ءُ ￶ما گلام بوتگ ایں۔ اَپس گشیت نوں من گھنٹہ ئے پیسر پاد کائیں کار کنیں۔
گڈا کمو وھد گوزیت داں چارگ بیت کہ فارم ءِ پروڈکشن بزاں پیداوار سک جہل کپگ ءَ انت گڈا نپولیئن گُشیت کہ اتوار ءِ چھٹی ھلاس انت شما اتوار ءَ کار بکن ات گوں کہ ما ھرچی کنیں مئے وتی پائدگ انت پیسرا وا ھرچی بوتگ انساناں برتگ انت۔
پدا ھمے چارگ بیت کہ وھدے گوک شیر دئیگ ءَ انت اشانی شیِر یک جاہے ایر کنگ بوھگ ءَ انت بلے شیر گار بوھگ ءَ انت شیرانی تہا کمی پیداک انت ھر جناورے دومی جناور ءَ جُست کنگ بندات کنت کہ اے شیراں کئے ورگ ءَ انت کئے برگ ءَ انت داں گڈسرا زانگ بیت ھر شیِرے کہ است سُوور اشاں کَشگ ءُ وتی ءَ برگ ءَ انت۔ گڈا کلیں جناور سُوراں جست کن انت کہ ابید ءِ جست پُرس ءَ شما اے شیراں کجا پرچا برگ ءَ ات۔؟
سُور گشنت مارا وا چوناہائی ءَ شیر چہ ازل ءَ وش نہ بیت بلے چش کہ شمے سرجمیں کاگزی کاروائیاں بگر داں ھر پلاننگے بیت اشی واستہ مارا کنگ کپیت ءُ ￶ اشی ءِ ￵ واستہ المی انت کہ مئے دماگ فریش بہ بیت ما تندرُست بہ بئیں داں شمے واستہ گیشتر بہ جیڑ ایں، پہ شمے ترقی ءُ دیمروئی ءِ واستہ پمشکہ شیراں ما ورگ ءَ ایں۔
آدیمترا یک سہب ءِ سرا سرجمیں جناورانی دیوان برجاہ بیت نپولیئن ءُ سنوبال ءِ میان ءَ جاک ءُ ھبر بندات انت داں لہتیں کُچک کیت سنوبال ءِ سرا اُرش کن اَنت سنوبال وتی جان ءِ رکھینگ ءِ ھاترا تچیت وتا چہ باگ ءَ کَش ایت۔ اے ھما کُچک بنت کہ نپولیئن گُشیت اشانی من جوانیں تربیت ءَ کناں داں دیمترا مئے سپاھیگ جوڈ بہ بنت۔ سنوبال فارم ءَ یلا دنت تچیت ،اِدانوں ایوک ءَ نپولیئن بچ ایت۔
نپولیئن سرجمین جناوراں دھمکی دنت کہ شما اگاں منی ھبر نہ گپت منی ھبر انا کُت من اے کُچکاں شمے سرا دیاں۔ نپولیئن فارم ءِ بزاں جناورانی باگ ءِ کماش ءُ ￶ رھشون جوڑبیت۔ اتوار ءِ روچ ءِ میٹنگ گپ ءُ تران ھرچیز کہ سنوبال ءِ وھدا بوتگ انت اشاں ھلاس کنت گُشیت شما بس کار بکن ات ھر گپے پلاننگے بیت ما سُوور وت ماں وت کنین اش، شمارا کار نیست ما شمارا وت گشیںں نپولیئن دگہ ھبرے کنت کہ ونڈ میل جوڈ کنگ بہ بیت۔ گڈا کلیں جناور گُشنت وھدے سنوبال گُشت کہ ونڈ میل جوڈ کنگ بہ بیت تو گشت زلورت نہ انت نوں چون؟
نپولیئن گُشیت من بس انچو گشتگ آ گپاں ویل کن ات ونڈ میل ءَ جوڈ بکن ات۔ گڈا ونڈ میل جوڈ کنگ بیت تیار بیت داں یک شپے مزنیں توپانیں گواتے کیت ونڈ میل ءَ دور دنت۔
نپولیئن سہب ءَ کیت ھمے پروپیگنڈا ء٘ کنت کہ اے سنوبال ءِ کارپد انت ھمشی ءَ اتکگ اے دور داتگ ۔نوں مارا شمارا شیوار بوھگی انت ھرکس یک جناورے ءِ سرا چم ایر کنگی انت بوت کنت چہ مئے تہا انگت لہتیں جناور سنوبال ءِ منوگر انت۔
گڈا کلیں جناوراں پدا گشگ بیت کہ نوں شما کل آجو ات شمے سروک من اوں شمارا سک کار کنگی انت ۔اپس گُشیت من انگت دگہ نیم کلاک مہلہ پاد کا یاں کار کناں ۔ دومی ھبر نپولیئن گشیت کہ ھرکس کم کار کنت نیم روچ ءَ گڈا ورگ دیگ نہ بیت۔
نپولیئن دگہ ھبرے ایر کنت کہ ما ھرچیز کہ پروڈیوس کن ایں ما اشاں بر ایں دومی جاھاں بہا کنیں مَٹ سٹّ کنیں ھرچیز کہ مئے زلورت ءِ سامان بنت ما ھماھاں زور ایں وتی آں دئین۔ سرجمیں جناور ھیران بنت کہ اشاں گشت کہ انسان مئے دشمن انت مارا گوں دو پادگاں کار نیست اشاں گوں وتی ھر وڈیں سیادی اے است ھلاس کنیں اے چوں پدا گوں اشاں کار بار بندات کنگ ءَ ￴ انت۔
نپولین گشیت انا انا چشیں ھچ وڈیں پیسلہ نہ بوتگ شمے گلت فہمی انت ٹریڈنگ مارا المی ءَ کنگی انت کہ اے مئے زلورت اں۔ابید ءِ ٹریڈ ءَ ما زندگ بوت نہ کنیں۔
پدا نپولئین لہتیں چمچہ ایں سُوور اے پیسلہ کن انت کہ ما مرچی ءَ پد ھما سرکماش جونز کہ بوتگ ھمائی کوٹی ءَ روئیں وپسیں نند ایں ورگ وریں ۔ گڈا اندگہ جانور گش انت شما گشتگ ما انسانانی وڈیں آسودگیں زند نہ گوازین ایں ما کل یک وڈا بئیں وتی وڈا بروبری ءَ زند گوازین ایں اے چون بیت کہ شما پدا جونز ءِ کوٹی ءَ وتی وابجاہ کن ات ما پدا اِدا بئیں۔
گڈا سُوور گشنت کہ ما شمے دماگاں، ءُ ￶ ما دانکہ وشیں جاھاں مہ وپسیں وش واب مہ بیں ما چون شمے واستہ جوانیں پیسلہ ءُ ￶پلاننگ کت کنیں ھچ وڈیں ھبر نیست اے شمے وھم انت اشی ھلاس بکن ات۔
سُوور گشنت کہ ھر سُوورے کہ است اے یک گھنٹہ اے گیشر آرام کن انت ءُ نپولیئن گشیت کہ اے کُچک منی گوماں بنت کہ اے منی سیکورٹی انت بوت کنت کجام وھدا سنوبال اّرش بکنت یا اے باگ ءِ سرکماش گڈا منا وتی سیکورٹی ءِ ھیالدارگی انت۔ شما کلیں جناور مرچی ءَ پد منا کامریڈ ،رھشون ءُ ￶ سروک ءِ نام ءَ توار بکن ات۔
لہتیں وھد ءَ پد ھر مُرگے کہ بیت اشاں ھمے گشگ بیت کہ شما ھر ھیکے کہ کن ات اشاں ما ڈن ءَ منڈی ءَ بہا کن ایں گڈا مُرگ گشنت کہ ما شمے انقلاب ھمے واستہ سپورٹ کتگ کہ ما ھرچ ھیکے دیاں اشاں وتی کِرا ایر بکن ایں بلے سوور مُرگاں کڈن کن انت ھر مُرگے کہ نہ منیت اشی دان ءُ آپ بند کنگ بیت۔
ھرچی کہ دزی بیت ھرچیز کہ گار بیت اے کلیں الزام سنوبال ءِ سرا لڈگ بنت کہ انگت سنوبال ءِ وپا دار است مئے تہا۔آ جنگ ءِ ایوارڈ کہ شما سنوبال ءَ داتگ آ جنگ نپولین داشتگ سنوبال نہ داشتگ شما اھمق ات وتی لیڈرا پجا نیار ات۔۔ سنوبال یک گدارے نامینگ بیت ءُ ھریکے کہ ھبر نہ زوریت گڈا اشی سنوبال ءِ منوگر زاھر کنگ بیت ءُ غداری ءِ نام ءَ کُشگ بیت۔۔ مُرگ ،پَس ،گوک ،شادو ھرچ جناورے کہ بیت۔
جناور گش انت مئے انقلاب ءِ مئے تحریک ءِ مستریں لوٹ ھمیش بوتگ کہ ما جناور کلیں برابر ایں ما کَس یکے دومی ءَ تاوان نہ دئیں ءُ ￶ نہ کُش ایں۔
گڈا نپولین گُشیت وھدے یکے غداری کنت گڈا الم سزا دیگ بیت کُشگ بیت۔
نپولئین گڈا جونز ءِ کوٹی ءَ پدا چہ وتی چمچہ آں جدا وتی یک آفس یے کنت وتا چہ کلیں جناوراں جدا کنت ءُ ھما فارم ءِ سرکماش جونز ءِ کُلاہ ءَ سرا کنت ءُ نندیت۔ پدا ھمے کوٹی ءَ چہ شراب ءِ بوتل اوں گندگ بوھگ بِنا بیت۔
اے ھالتانی گندگ ءَ پد سرجمیں جناور ھیران بنت کہ اے ما چے کت چہ اے دابیں زندگی ءَ شرتر ات ما انسانانی گلام ات ایں۔ شراب انسان ور انت ءُ ￶گُشنت کہ انسان مئے دشمن انت۔۔ نوں ھر ھما کارے کہ انسان کنگ ءَ انت ھما کاراں سُوور کنگ ءَ انت ھما زوراکی اں سوور کنگ ءَ انت۔ ورگ شوکتریں رستگ مارا ۔ کار اوں کمتر بوتگ اں۔۔ گڈا سوور گشنت کہ شما اھمق ات ھر وڈ انت بلے شما آجو ات، اے فارم شمئے وتیگ انت ۔ اَپس کہ دُرساں چہ گیشتر کارے کتگ بیمار بیت پُپّ ءُ جگرے ھراب بنت۔
سُوور گشنت ما اپس ءَ یک انچیں ھسپتالے ءَ بر ایں کہ اشی ھر وڈیں ھلاجے بیت ما وت اشی خرچ ءَ دئیں۔ بلے گھوڈا ھسپتال ءِ جاگہ ءَ سلاٹر جاہ بزاں ھمودا کہ جناور کُشگ ءُ ھلار کنگ بنت ،ھمودا برگ ءُ بہا کنگ بیت۔
کلیں جناور سرپد بنت کہ پوہ کلیں جناوراں چہ وپادار تریں جانور ھمیش ات اشی ھلاج کنگ ءِ بدلہ ءَ برگ ءُ بہا کنگ بوت۔
جناوراں اے اوں سرپدی رسیت کہ کوٹی ءَ کہ ھرچ شرابے ایر بوتگ اے اشاں وارتگ ھلاس کتگ انت پدا پہ وتا ڈن ءَ چہ دگہ ملکانی شراب لوٹائینتگ ۔ وھدے جست کنگ بیت اے گشنت زر نیست ما ھرچ کارے کتگ مارا نقصان بوھگ ءَ انت ما وار بوھگ ءَ ایں۔ ما ڈنی منڈی ءَ ￴ وامداریں بلے وتی واستہ شراب کباب لوٹائیںنگ بوھگ ءَ انت۔
لہتیں وھدا پد سرجمیں جناور چار انت سُوور ءَ وتی سیکورٹی گون انت کُچک پارٹی وت دو پادگ انت ءُ گَردگ ءَ انت۔
جناور ھیران بنت کہ مئے انقلاب ءِ تحریک ءِ اولی ھبر ھمیش ات کہ دو پادگ مئے دشمن انت، چار پادگ مئے دوست انت۔۔۔ گڈا سوور گشنت اِنا چو نہ بوتگ ما چش نہ گشتگ ۔۔۔ ھئو اے راستے کہ کلیں جناور برابر انت بلے لہتیں جناور کمو گیشتر برابر انت۔۔
All animals are equal but some animals are more equal then others
لہتیں روچ ءَ ￴ پد سرجمیں جانور چار انت کہ نپولیئن ءَ چابکے دست ءَ انت ءُ سرجمیں سُوور دو پادا گردگ ءَ انت کُچک پارٹی چار پادگاں گون انت۔ سگریٹے دپ ءَ انت ٹیبلانی سرا ورگ چرگ انت کش ءُ کِر ءِ ھر فارمے است اشانی سرکماش کاینت ھور انت۔ نندگ انت ،ورگ انت چرگ انت۔۔ جووائی انت شراب انت ۔۔

کلیں جناور چہ در ءُ ￶گ ءَ سر کَش انت کہ اے باریں چے کنگ ءَ انت داں ٹیبلے جتگ ھچ زانگ نہ بیت کہ سُوور کجام ایں ءُ مردم کجام اَں کُلیں یک ھساب ءَ انت۔۔۔۔!!!