وفاقی اردو یونیورسٹی کےاساتذہ کی تنخواہ اور ہاوس سیلنگ جیسےجائز مطالبات کی حمایت کرتی ہے۔اساٹ

وفاقی اردو یونیورسٹی کےاساتذہ کی تنخواہ اور ہاوس سیلنگ جیسےجائز مطالبات کی حمایت کرتی ہے۔اساٹ

تُربَت،اکیڈمک اسٹاف ایسوسی ایشن یونیورسٹی آف تربت وفاقی اردو یونیورسٹی کےاساتذہ کی تنخواہ اور ہاوس سیلنگ جیسےجائز مطالبات کی حمایت کرتی ہے اورانتظامیہ کی جانب سے ہتک آمیز رویہ کی مذمت کرتی ہے۔
ڈاکٹر اصغر دشتی اساتذہ کے جائز حقوق کی اس جد جہد میں سرگرم ہیں اورایک نمایاں حیثیت رکھتے ہیں مگر انتظامیہ ڈاکٹر اصغر دشتی اور دیگر اساتذہ کرام کے جائز حقوق کی جدوجہد سے مرعوب ہو کر ان کو دھمکانے، ڈرانے اور ایف آئی آرکاٹنے کی دھمکیاں دینے پرتُلی ہوئی ہے تا کہ وہ اپنے جائز حقوق کی جدوجہد سے دستبردار ہوں لہذا اساٹ انتظامیہ بالعموم قائم مقام رجسٹرار کی اس غیر منطقی اور غیر قانونی عمل کی بھرپور انداز میں مذمت کرتی ہے اور اساتذہ کےساتھ اس مشکل وقت میں کھڑی رہےگی۔
مزید براں اکیڈمک اسٹاف ایسوسی ایشن یونیورسٹی آف تربت وفاقی اردو یونیورسٹی کی انتطامیہ سے مطالبہ کرتی ہے کہ وہ اساتذہ کرام کے جائز مطالبات کو من و عن تسلیم کرے ہاوس سیلنگ کے بقایہ جات ادا کرے، اساتذہ کرام کے خلاف انتقامی کاروائیوں کو بند کرے اورملازمین کو جاری شوکاز نوٹسز واپس لے۔ ریٹائرڈ ملازمین کی تین ماہ کی پنشن اور بقایہ جات کو فوری ادا کرے۔ اگست کے مہینے کی تنخواہ بلا تاخیر ادا کی جائیں اورمیڈیکل کی سہولیات کو بحال کرے تاکہ ملازمین ذہنی کوفت میں مبتلا نہ رہیں اورمعاملات افہام و تفہیم سے سلجھ جائیں۔